‘ରୋଡ୍ ରୋମିଓ’, ଅସୁରକ୍ଷିତ ବାଇକ୍ ଚାଳନା ଓ ଖଟି ବିରୋଧରେ ପୁରୀ ପୋଲିସର ବିଶେଷ ଅଭିଯାନ
ପୁରୀ : ପୁରୀ ଜିଲ୍ଲାରେ ଶିକ୍ଷାତ୍ମକ ପରିବେଶକୁ ସୁରକ୍ଷିତ ଓ ଅଶ୍ଳୀଳତା/ ଅନାଚାରମୁକ୍ତ କରିବା ପାଇଁ ପୁରୀ ପୋଲିସ ଏସ୍ପି ଶ୍ରୀ ପ୍ରତୀକ ସିଂଙ୍କ ସ୍ପଷ୍ଟ ନିର୍ଦ୍ଦେଶ ଅନୁଯାୟୀ ସମସ୍ତ ଥାନାଅଧିକାରୀଙ୍କ ଦ୍ୱାରା ଶୁକ୍ରବାର ଜିଲ୍ଲାର ସମସ୍ତ ସ୍କୁଲ୍, କଲେଜ୍ ଓ ଶିକ୍ଷା ସଂସ୍ଥାନ ଚତୁର୍ଦିଗରେ ବ୍ୟାପକ ଛାପାମାରି ଅଭିଯାନ ପ୍ରଚଳିତ କରାଯାଇଥିଲା। ଛାତ୍ରୀମାନଙ୍କ ଉପରେ ଅନାଚାର ଭାବେ ହେରାସ୍ମେଣ୍ଟ, ରୋଡ୍ ରୋମିଓ ଆଚରଣ ଉପରେ ପ୍ରତିବନ୍ଧ ଲଗାଇବା ପାଇଁ ପୋଲିସର ବ୍ୟାପକ ବ୍ୟବସ୍ଥା କରାଯାଇଥିଲା। ସ୍କୁଲ୍, କଲେଜ୍ ସମ୍ମୁଖରେ ଅନାବଶ୍ୟକ ଭିଡ଼ ଏବଂ ଯୁବକମାନଙ୍କ ଗ୍ରୁପିଂ ଉପରେ ନିୟନ୍ତ୍ରଣ କରାଯାଇଥିଲା।
ବିନା ହେଲମେଟ୍ , ଟ୍ରିପଲ୍ ରାଇଡିଂ, ଓଭର ସ୍ପିଡ୍ ଓ ଷ୍ଟଣ୍ଟ ଭଳି ଅସୁରକ୍ଷିତ ବାଇକ୍ ଚାଳନାକୁ ଦମନ ପାଇଁ ପୋଲିସ ଡିଉଟି ଦିଆଯାଇଥିଲା। ଛାତ୍ରୀମାନଙ୍କ ପାଇଁ ସୁରକ୍ଷିତ, ଭୟମୁକ୍ତ ପରିବେଶ ସୃଷ୍ଟି କରାଯାଇଥିଲା। ପୁରୀ ସହର ସହିତ ଜିଲ୍ଲାର ଏକାଧିକ ସ୍କୁଲ୍, କଲେଜ୍ ଓ କୋଚିଙ୍ଗ୍ ଅଞ୍ଚଳରେ ପୋଲିସ ଦଳ ଦ୍ୱାରା ପ୍ଲେନ୍କଲୋଥ୍ ଟିମ୍ ଦ୍ୱାରା ନିରୀକ୍ଷଣ କରାଯାଇଥିଲା । ପି.ସି.ଆର୍ ଓ ମୋଟର ସାଇକେଲ୍ ପ୍ୟାଟ୍ରୋଲିଂ ଦ୍ୱାରା ସିଧାସଳଖ ଛାପାମାରି କରାଯାଇଥିଲା । ଅଭିଯାନ ସମୟରେ କିଛି ଯୁବକଙ୍କୁ ପୁଲିସ ଦ୍ୱାରା ସଚେତନ କରାଯାଇଛି, ଏବଂ ଅନୁଚିତ ଆଚରଣ କରିବାକୁ ଚେଷ୍ଟା କରୁଥିବା ବ୍ୟକ୍ତିଙ୍କ ଠାରୁ ବ୍ୟାପକ ଭାବରେ ଫାଇନ୍ ଏବଂ ଆଇନଅନୁଯାୟୀ କାର୍ଯ୍ୟବହଳ ସ୍ଥିର କରାଯାଇଛି।
ପୁରୀ ଏସ୍ପି ଶ୍ରୀ ପ୍ରତୀକ ସିଂ କହିଛନ୍ତି “ସ୍କୁଲ୍ ଓ କଲେଜ୍ ପରିସର ସବୁଥିରୁ ସୁରକ୍ଷିତ ହେବା ଆବଶ୍ୟକ। ଝିଅମାନଙ୍କ ଉପରେ ଅନାଚାର କିମ୍ବା ଅସମ୍ମାନ ଆଚରଣକୁ ଶୂନ୍ୟ ସହନଯୋଗ୍ୟତା ନୀତିରେ ଦେଖାଯାଇବ। ପୁରୀ ପୋଲିସ ଏହା ପାଇଁ ନିରନ୍ତର ଅଭିଯାନ ଚାଲାଇବ।” ସମସ୍ତ ଥାନା ଅଧିକାରୀ ଏହା ସୁନିଶ୍ଚିତ କରିବା ପାଇଁ ନିଦେଶ ଦିଆଯାଇଛି ଯେ ପ୍ରତିଦିନ ସକାଳ ଶିକ୍ଷାନୁଷ୍ଠାନ ଯିବା ଓ ଆସିବା ବେଳେ ପୋଲିସ ପେଟ୍ରୋଲିଙ୍ଗ କରାଯିବ । ଅନାଚାର, ରୋଡ୍ ରୋମିଓ କାର୍ଯ୍ୟକଳାପ ଦେଖିଲେ ତତ୍କ୍ଷଣାତ୍ ଆଇନି କାର୍ଯ୍ୟ ହେବ। ପୋଲିସର ସନ୍ଦେଶ ଛାତ୍ରଛାତ୍ରୀଙ୍କ ପାଇଁ ସମ୍ମାନ, ଶିଷ୍ଟାଚାର ଓ ସୁରକ୍ଷିତ ବ୍ୟବହାର ଅନୁସରଣ କରନ୍ତୁ। ଟ୍ରାଫିକ୍ ନିୟମ ପାଳନ କରନ୍ତୁ, ହେଲମେଟ୍ ପିନ୍ଧନ୍ତୁ। ଅନୁଚିତ ଆଚରଣ ଦେଖିଲେ ପୋଲିସକୁ ତତ୍କ୍ଷଣାତ୍ ୧୧୨ ରେ କଲ କରି ଜଣାନ୍ତୁ।ଜନସାଧାରଣଙ୍କୁ ଅନୁରୋଧ।ପୁରୀ ପୋଲିସ ସମସ୍ତ ଅଭିଭାବକ, ଶିକ୍ଷକ ଓ ସମାଜର ସଚେତନନ୍ତା ନାଗରିକମାନଙ୍କୁ ଅନୁରୋଧ କରୁଛି ଛାତ୍ରଛାତ୍ରୀଙ୍କ ସୁରକ୍ଷିତ ଯାତାୟାତ ବିଷୟରେ ସଚେତନ ରୁହନ୍ତୁ।ସନ୍ଦିଗ୍ଧ ବ୍ୟକ୍ତି କିମ୍ବା ଅନାଚାର ଘଟଣା ଦେଖିଲେ 112ରେ କଲ କିମ୍ବା ନିକଟସ୍ଥ ପୋଲିସ ଥାନାକୁ ଜଣାନ୍ତୁ। ଝିଅମାନଙ୍କ ସୁରକ୍ଷା ପାଇଁ ପୋଲିସ ଅଭିଯାନରେ ସହଯୋଗ କରନ୍ତୁ। ପୁରୀ ପୋଲିସ ପ୍ରତ୍ୟେକ ସ୍କୁଲ୍, କଲେଜ୍ ଓ ଟ୍ୟୁସନ୍ ଜୋନ୍ରେ ନିୟମିତ ନିରୀକ୍ଷଣ ଜାରି ରଖିବ। ଛାତ୍ରୀମାନଙ୍କ ପାଇଁ ସୁରକ୍ଷିତ ଓ ସମ୍ମାନପୂର୍ଣ୍ଣ ପରିବେଶ ପ୍ରଦାନ ହେବା ହେଲା ପୁରୀ ପୋଲିସର ପ୍ରଥମ ଅଗ୍ରଗତି ରହିବ।
